Akisa la di sa ? / Qui est ce qui a dit ça ?
Parolér : BARRET Romuald
La mizik : DYANPAR
Akisa la di sa, pars bonpé zafér té di lontan konm konméla i èd anou konprann in pé plis in mantalité. In mantalité ousa i fé tout pou-k lo pèp krazé, lo pèp kolonizé i ègzis pa. I fé tout pou-k li napwinn mémwar, pwinn Listwar, pwinn lang, apark sak lo dominatér i inpoz ali. E si la rès in mark son Listwar parla, i dégaz pou apropté. Dérnyéman, téi vé shanz lo non la Plinn-dé-kaf pars swadizan i va pi èk zordi, pars i fé pér, pars bann moun plinn dé kaf i rokoné pa zot dann lo non-la.
Nou lé admann anou, akoz dann so vil-la, téi déranz pa lansyin mér tout bann non konm Avenue de l’Europe, rue de Bruxelles, rue d’Espagne, rue de Belgique, rue Jules Ferry, impasse Bonaparte, rue d’Allemagne ?
Kosa téi déranz lansyin mér? lo mo kaf ? akoz ? lété tro nwar pou li ?
Auteur : BARRET Romuald
Compositeur : DYANPAR
Akisa la di sa, car beaucoup de choses ont été dites, hier comme aujourd’hui et qui nous permettent de comprendre un peu mieux une logique où le peuple opprimé, le peuple colonisé est néantisé. Une logique où tout est fait pour qu’il soit un peuple sans Mémoire, sans Histoire sans langue, à part celles imposées par l’oppresseur. Et si par chance quelque chose de notre passé nous est parvenu, on s’empresse pour l’effacer. Il n’y a pas si longtemps d’ailleurs un certain politicien voulait débaptiser la Plaine des Cafres parce qu’apparemment ce nom ne correspondait pas à notre présent, qu’il faisait peur ou encore que les Cafriplainois ne s’y retrouvaient pas.
On en est à se poser certaines questions. Pourquoi donc l’ancien Maire ne trouvait rien à redire aux dénominations suivantes : l’avenue de l’Europe, rue de Bruxelles, rue d’Espagne, rue de la Belgique, rue Jules Ferry, impasse Bonaparte, rue d’Allemagne ?
Qu’est ce qui dérangeait l’ancien maire ? le terme cafres ? pourquoi ? il était trop noir à son goût ?
Akisa la di sa ?
Pokosa la di sa, baya ?
Akisa la di sa ?
Wo ! Pokosa la di sa ?
Wo ! Pokosa la di sa
(Rofrin)
Akisa la di ?
La Rényon navé tro d'moun
La Frans laba navé pwin-sé
Woy ! Téi falé déporté
Woy ! Woy ! Téi falé déporté !
Rofrin
Akisa la di ?
Kasyèt listwar sa minm la fé
Ris oki blan nwar la daloné
Yayay ! Estèr koman na fé
Yayay ! Estèr koman na fé ?
Rofrin
Akisa la di ?
Linyorans sa minm nout mortyé
Akoz arkoz si lo pasé
La rényon té fine obliyé
Réyoné té fine obliyé
Rofrin
Akisa la di ?
Afèr fètkaf na katorz zilyé
Vin désanm sa la pa nout fèt
Vin désanm sa nout ont oté
Vin désanm sa nout ont oté
Rofrin
Akisa la di ?
Lang kréol i fo fiziyé
I fo bour minm nout kokodtèt
Po touf nout mantalité
Po touf nout lidantité
Rofrin
Akisa la di ?
Lo non Plinn-dé-Kaf lé mové
Plinn-dé-volkan po touris lé myé
Way ! Tyanakoukouné
Wayay ! Tyanakoukouné
Rofrin