Bann kabar 2007 (promyé parti)

Kabar lasosyasyon Simangavol (Bas-Tèr) lo 13 zanvyé 2007

            Nou lavé rankont bann boug lasosyasyon Simangavol lo zour lomaz po 20 désanm èk Ankraké é bann-na lavé invit a nou po zwé. Kan nou larivé Bas-Tèr, navé moring. Bann moringèr la défil dan tout lo kartyé. Aprésa kan té fini, nou la zwé nout bann morso, navé inn ti pé d’moun. Konm té nou lo promyé group, nou la préfèr zwé atèr (navé in podyom). Zis apré nou navé Lansor. Sèlman apré bann-na nou la pa tro tréné Bas-Tèr pask nou dové zwé osi Trwa-Mar po Kabar la Kour. Alor nou la pri loto é nou la suiv lo group Lansor po mont Tanpon.

            Nous avions rencontré les gens de l’association Simangavol le jour de l’hommage du 20 décembre avec Ankraké et ils nous avaient invité à venir jouer. Quand nous sommes arrivés à Basse Terre, il y avait du moring. Les moringèr ont défilé dans tout le quartier. Après quand ils ont terminés leur démonstration, nous avons jouer nos chansons, il y avait quand même quelques personnes. Comme nous étions le premier groupe, nous avons préféré jouer à terre (il y avait un podium). Juste après nous, il y avait Lansor. Par contre après eux, nous sommes partis, parce que nous devions jouer à Trois Mares pour un Kabar la Kour. Alors nous avons pris nos voitures et nous sommes montés au Tampon en suivant le groupe Lansor.

Kabar la Kour (Trwa-Mar) lo 13 zanvyé 2007

            Lèr nou lariv la o Trwa Mar, nou la rès kouyon. Nou té dan si in térin èk la vi dési tou lo sid : Sin-Pyèr, Sin-Lwi, Létan-Salé, tout. Tro valab. Konm dabitid èk bann Kabar la Kour, navé po manzé (kai kaf, kari volay si nou rapèl byin), po bwar, po asiz, po dobout, tout ! Swar-la, lo sèl zafèr la mank a nou in pé, lété lanbyans. Promyé fwa nou zwé, domoun i apèrswa minm pa in morso lé fini. I koz, i rir, tousala, mé té ékout pa tro a nou. Bon nou lé pa mor po sa, po nou i rès in bon lèkspéryans : riskab sé nou la pa gin-y ral a zot dan nout mizik osi !

            Quand nous sommes arrivés à Trois-Mares, nous avons été ébahis. Nous étions sur un terrain avec vue sur tout le sud : Saint-Pierre, Saint-Louis, L’Etang-Salé, etc. Maginifique. Comme d’habitude avec Kabar la Kour, il y avait à manger (cari kaf, cari volay si nous nous rappelons bien), à boire, pour s’asseoir, pour rester debout et tout ! Ce soir là, la selue chose qui nous a manqué un peu, c’était l’ambiance. Pour la première fois, les gens ne se sont même pas rendu compte de la fin de certaines de nos chansons. Ils parlaient, riaient, etc. mais ne nous écoutaient pas vraiment. Ca ne nous a pas tué et pour nous ça reste une bonne expérience : peut-être aussi que nous n’avons pas su capter leur attention.

Kabar lasosyasyon Solèy Réyoné (Line Paradi) lo 25 mars 2007

            Malbar, in boug i zwé dan Andémya, lavé propoz a nou nir zwé in dimans apré midi po son lasosyasyon Solèy Réyoné. Té gayar fé invit a nou par bann moun konmsa i  tas manyèr fé bouz in pé bann kartyé. Malérèzamn, la méri Sin-Pyèr la pa vi lo zafèr lo minm fason. Zot la pa vouli rouv lo lokal po gin-y kouran. Alor Solèy Réyoné la pa largé, la propoz a nou zwé in not plas èk in group éléktrozinn. La débat ansanm tout lapré midi, épi si lo tar, lo modi group la yinbou pèt in kou ! Alor nou la zwé nout bann morso, navé pi in ta domoun, mé nou la anvoyé. Lo group El Diablo la zwé osi.

            Malbar, qui joue dans Andémya, nous avez proposé de venir jouer un dimanche après-midi pour son association Solèy Réyoné. C’était super de se faire inviter comme ça, par des gens qui essaient de faire bouger un peu les quartiers. Malheureusement, la mairie de Saint-Pierre ne voyait pas les choses de la même façon. Un de ses personnels n’a pas voulu ouvrir le local qui permettait d’avoir l’électricité. Mais Solèy Réyoné n’a pas abandonné et nous a proposé de jouer ailleurs avec un groupe électrogène. Pendant toute l’après-midi, tout le monde a essayé de le faire démarrer et puis, enfin, assez tard, il a enfin démarré ! Alors, nous avons joué nos chansons, il n’y avait plus grand monde, mais ce n’était pas grave. Le groupe El Diablo était là aussi.

Kabar lasosyasyon Kèr Tann (Grantans) lo 12 mé 2007

            Nout lasosyasyon (KerTann) lavé organiz in kabar (ogard lartik dan lo gatir « nout lasosyasyon ») dann fon Grantans. In tralé domoun té la (dann zournal la di navé 200). Bann group an poundyank osi : Ti Fred, Lansor, Lao, Franswa Sintomèr, Zarlor, Zorkri maloya, Kayanmbé, Léspri maloya é Dyanpar. Sèlman zour-la lam la mèr lariv pa lwin lo parking. Lété fine manzé, lavé fé in pé moring, Lansor la zwé in bout. Dyanpar in morso, Zarlor èk Franswa Sintomèr inn-dé galman. Epi nou té oblizé arèt la minm. Aprésa zandarm larivé po vid la plaz. Domaz ! Na armèt sa in not kou…

            Notre association (Ker Tann) avait organisé un kabar (voir l’article dans le lien « nout lasosyasyon ») à Grande-Anse. Il y avait pas mal de monde (200 personnes selon le journal). Les groupes aussi étaient nombreux : Ti Fred, Lansor, Lao, Franswa Sintomèr, Zarlor, Zorkri maloya, Kayanmbé, Léspri maloya et Dyanpar. Seulement, ce jour-là, la houle était très forte et l’eau est montée presque jusqu’au parking. Nous avions déjà mangé, il y avait eu du moring, Lansor avait déjà joué quelques chansons. Dyanpar une, Zarlor et Franswa Sintomèr quelques-unes également. Et puis, nous avons été obligé de tout stopper. Quelques minutes après, les gendarmes sont arrivés pour évacuer la plage. Dommage ! Nous remettrons ça une autre fois…

Kabar la Kour (Ravine dé kabri) lo 23 zyin 2007

            Touzour lo minm plas. Somin Stéfane. Konm toultan navé po manzé, po bwar, po tout lo bann group !! Dos dos minm. Si nou rapèl byin nou la fé nout 7 morso.

            Toujours au même endroit ! Chemin Stéphane. Comme d’habitude, il y avait à manger et à boire pour les groupes ! Vraiment super. Si nous nous rappelons bien nous avons joué nos 7 chansons.

Kabar la Kour (Ravine dé kabri) lo 27 zilyé 2007

            Ankor é touzour somin Stéfane ! Swar-la, si mi may pa èk lo 23 zyin, la pli la totosé. Nou la gin-y lo tan zwé, mé aprésa la fé kour toulpé. Domaz, la in pé kas lanbyans, mé bon i ariv tanzantan !

            Encore et toujours chemin Stéphane ! Ce soir-là, si nous ne confondons pas avec le 23 juin, la pluie est tombée à verse. Nous avons pu joué, mais après le temps a fait fuir tout le monde. Dommage, ça a un peu refroidi l’ambiance, mais bon ça arrive de temps en temps !

Kour Mao (Sin-Lé) lo 5 out 2007

            Zour-la lo group la pa vréman zwé. Romuald, Kristo èk Nicolas lavé parti vèy lomaz Alain Peters Sakifo Sin-Lé. Aprésa dann la kour Mao, zis par koté lo Sakifo, navé in podyom rouvèr po sak i voulé zwé. Nou la parti fé in morso lé pa ankor fini, zis èk la vwa é roulèr. Navé domoun, té bèl, la sézi a nou ziska !

           Ce jour-là, le groupe n'a pas vraiment joué. Romuald, Kristo et Nicolas étaient partis voir l'hommage à Alain Peters au Sakifo à Saint-Leu. Après, dans la kour Mao, juste à côté du Sakifo, il y avait un podium ouvert à ceux qui voulaient s'exprimer. Nous avons fait une chanson pas totalement au point juste avec les voix et un roulèr. il y avait du monde, c'était bien, ça nous a presque effrayé !