Parksa!!!

Nou èspér zot tout lé byin. Na lontan na pokor trouv a nou, figir rar..
Lantouraz dyanpar lé ankor la. Mérkrédi nou la kraz dé trwa morso liniversité Sinn-ni pou la zourné intérnasyonal kréol bann dalon (Xavier, Eric...) i fé kréol laba la fé. Té malizé pou zot, i fé lér na domoun la ésèy kas zot pat, mésoman bann-na navé kouraz, zot la tyinbo.

Nou mèt lo bann foto. Parkont na pwin bonpé, la limir té feb.



Na dé zwar lo group té pa la (Fredo ek Guillaume) té pa la.



Bann lansor osi té la (Rozman bann vanzér komsa lé la, si la pa zot nou maladé)



Navé dalon té zwé ek lo fé.. Tansyon pangar.

Dot group osi la larg zot morso :

Maloyakoustik (Dalon Malbar), 7po..(Ni obli plin, zot va èskiz anou)

Bon nartrouvé, na rodir azot le zour kansa nou zoué Sint-André.

Alé narvi

In morso si la gèr néna dann péi Lirak. I giny di osi si la gèr la-ba koté Lafganistan ou sansa sak i éspas osi Gaza. In morso si tout gèr, si tout mor pou riyin, si tout fason d'fé la pa imin. Si tout kalité loprésyon èk bann pistolé, fizi, grénad, bonm, rokèt i tyé zinosan. Akoz sak i désid fé la gèr lé zamé dann promyé mené èk in fizi dann la min é kap-kap dan zot boyo ?

 

Une chanson sur la guerre en Irak. Mais également sur la guerre en Afghanistan ou sur ce qui se passe à Gaza. une chasons sur toutes les guerres, sur tous ces lmorts pour rien sur tous les comportements inhumains. Sur tout forme d'oppression avec des pistolets, des fusils, des grenades, des bombes,ou des roquettes qui tuent des innocents. Pourquoi ceux qui décident d'entrer en guerre ne sont-ils jamais en première ligne, un fusil à la main et la peur au ventre ?

Parolèr : Nicolas SERY
La mizik : DYANPAR

Ramas mantèr, komandèr, pou komans out gèr
Tu as menti, commandeur, pour lancer ta guerre
Ou minm bononm, prézidan, pou tyé tout bonèr
C'est toi L'homme, président, qui tue tout bonheur
Ou sa done bann-na, militèr, zot démokrasi
Tu veux leur offrir, militaire, la démocratie
A koudpyé dann ki, an foutan, ou byin koudfizi
A coups de pied au cul, tu t'en fous, ou à coups de fusils

Zot syèl lé nwar, bonm margonyé,
Leur ciel est noir de bombes qui explosent
Zot niyaz i plèr, bal par ponyé
Leurs nuages pleurent des balles en quantité
Sa konm zétwal i giny pi konté
Comme les étoiles qu'on ne peut plus compter
Trou nwar dann kor, poro la mor
Des trous noirs dans les corps, verrues de mort
(Rofrin/Refrain)

Dan zot dézèr, zézèr, in mar lo san
Dans leur désert, mon amour, une mare de sang
Ti kaniki i biny dan, ti zinosan
Les enfants y baignent, petits innocents
Si zot figir, dalon, in sak lo kou
Sur leurs visages, l'ami, des traces de coups
Dann la télé, kaliko, vomi son bagou
A la télé, le pitre, dégueule son bagou

Rofrin/Refrain

Astèr domoun i anmar konm lo syin
Maintenant, on attache les gens comme des chiens
Lot koté zot i koup kolé pou riyin
Les autres, eux, décapitent pour un rien
Mor na an poundyak dési la tèr Lirak
Les cadavres, en Irak, ne se comptent plus
Partou dan lo Monn, i tyé sak segonn
Partout dans le monde, à chaque seconde l'on tue

Rofrin/Refrain

Mont amwin Monmon, in fason avansé
Montre moi, Maman, comment avancer
Lam rouvèr Papa, ma dèf mon pansé
L'esprit ouvert, Papa, je libèrerais mes pensées
Ed anou Bondyé, rouvèr nout dé zyé

Aidez-nous, ô Dieux, à ouvrir les yeux

Pri pou nou bonpé, pouk domin lé myé.

Ne priez pas qu'un peu, pour que demain soit mieux

 

Rofrin/Refrain

Dyanpar va fé in lantrokoz si Radio Arc en ciel samdi-la (29-11-08) apartir 11èr30 ziska 12èr30 dann lémisyon Zanbrokal.

Pou sak i vé akout anou, Arc en ciel dan lo sid lé si 94.7 ou 89.3, dan lo nor si 91.3 ou 103.4, dan lès si 105.2 ou 93.6 é dann lwès si 89.6, 95.6 ou 106.8. Oté bann zakoutèr vyin akout anou. Narvi.

 

Dyanpar sera interviewé sur Radio arc en ciel ce samedi (29-11-08) à compter de 11h30 et jusqu'à 12h30 dans l'émission Zanbrokal.

Pour ceux qui veulent nous écouter, Arc en ciel dans le sud est sur  94.7 ou 89.3, dans le nord sur 91.3 ou 103.4, dans l'est sur 105.2 ou 93.6 et dans l'ouest sur 89.6, 95.6 ou 106.8. Alors auditeurs, écoutez nous. A la prochaine.